الرفقه
 

[poem=font="arial,6,,bold,normal" bkcolor="transparent" bkimage="http://www.dewan.btalah.com/mwaextraedit2/backgrounds/27.gif" border="groove,3,orange" type=0 line=0 align=center use=ex num="0,black""]
البارحـه يـوم الاوادم خواشـيـع =في نومها واناعلى الكـوع واعـي
هم(ن)يمزع سترة القلـب تمزيـع =تقول ينهش ثومـة القلـب افاعـي
خذت القلم من بين روس الاصابيع =وحبيت اميز سيرتـي وانطباعـي
عزلت من صدقـان عطلةالاسابيـع =وعزلت من ضحك الوجيه الصناعي
وعزلت من بنين بامالـي مشاريـع =جميد برد ولانس الشمـس ماعـي
وعزلت من زرع الخلـي البلاقيـع =وعزلت من رفـع الثنيـه رباعـي
من نفعة اللـي ماطلبنـي منافيـع =جميلة(ن)في غيـر اهلها ضياعـي
في اسواقها ماعاد لشـري ولابيـع =لخطيت من رفقة طويـل الذراعـي
اللي على الرفقـه يسوقـه دوافيـع =هـذاك تشـرى رفقتـه ماتباعـي
امايشجعني علـى الطيـب تشجيـع =والايعلمنـي حمـيـد المسـاعـي
والا ليامنـه رمعـنـي روامـيـع =وضاقت على كل الفجوج الوساعي
جيته ويسرلي عسيـر المواضيـع =وخلاخفايا خاطـري لـه وسـاعـي
معرفته ماهـي معرفـة طماميـع =ماتنتـج الاالغطرسـه والضياعـي
[/poem]