![]() |
الزمان يدور والوقت يطحنا رحاه .. كل يوم يموت رجال ونصلي عليه
[poem=font="arial,6,white,bold,normal" bkcolor="transparent" bkimage="http://www.dewan.btalah.com/mwaextraedit2/backgrounds/3.gif" border="inset,2," type=0 line=0 align=center use=ex num="0,black""]
الزمان يدور والوقت يطحنا رحاه=كل يوم يموت رجال ونصلي عليه كم رفيقٍ ودنا به على قيد الحياه=وكم رديٍ يبطي الموت عيا ما يجيه وكم صبي ٍ شاب راسه ولا حقق مناه=وكم صبي ٍ مات واللي حفر قبره إبيه وكم فقير ٍ مات حلمه من سيوف الغناه=وكم غني ٍ عاش دور الفقير ويشتكيه وكم جميل ٍ من هل الطيب ماتلحق جزاه=لو عطيته نور عينك ، تقول : شوي فيه وما يدل الدرب من لا تمسك بالوصاه=وما يقدّر نعمة العقل غيرك يالنبيه ومن عبر بحر الملذه على قارب نجاه=لا يلد العين للبحر ويعود إليه ديننا يالمسلمين احسن الله في عزاه=دامنا ما نحمي الدين لا نبكي عليه لو كنوزك كبر سنجار واجبال السراه=الضمير الحي ماهو عقار ٍ تشتريه لو يطلّع كل تاجر من امواله زكاه=ما لقيت من المساكين من يبسط يديه وإن ملكت أخلاق تملك بها سمعه وجاه=بالفعول وبالطبايع صحيبك لك شبيه الردي لو يستره ثوب وش يستر رداه=دام مايحشم قرابه ولا يحشم وجيه إنصحوه يبيع ثوبه ويشري له عباه=طاح من عين المراجل ولا عادت تبيه والسفيه إن ما تبلاك ما تسلم غثاه=حاول إنك ماتجي درب يسلكه السفيه و صافح كفوف الزمن و إبتسم لأجل للحياه=وإعلم إن الله اذا حب عبده يبتليه [/poem] |
الساعة الآن 10:31 AM |
Powered by vBulletin® Copyright ©2000 - 2024, Jelsoft Enterprises Ltd.