للبوم تحليقه وللحر هده .. والدلو ماله فايده غير برشاه
 

[poem=font="arial,6,white,bold,normal" bkcolor="transparent" bkimage="http://www.dewan.btalah.com/mwaextraedit2/backgrounds/3.gif" border="ridge,2," type=0 line=0 align=center use=ex num="0,black""]
للبوم تحليقه وللحر هده=والدلو ماله فايده غير برشاه
علمآ يحجرش باالمعاليق بده=وصاحبك حذرك لاتحده على أقصاه
وباب" يجيب الريح لازم تسده=من شان ماتقضي حياتك معاناه
ومن يؤتمنك بسر لاتبيح سده=ومايقضي الازم كثير المراواه
ولاشفت هاجوسك خشير المخده=وض وتقبل وارفع يديك لله
واليسر بعد العسر مع كل شده=وصبرك على الشده فضيله مزاياه
للطيب وقت وللمشاريه فده=ومن ينتخي بك لاتخيب نواياه
وعلم" يجي مابين روحه ورده=لاتعتجل لازم تميز بمعناه
ولاجاك رمح من العدوين صده=ترى الرخامه تهدم الصيت والجاه
من ماتغداء في عدوه وضده=لياهدفت شمس المغيرب تعشاه
وان شفت حبلآ منكرب لاتشده=بعض الامور تحلها باالمهاداه
ومن ماحتساء للدرب ببدره وعده=يطيح في دو" خلي" ومضماه
وبيت" بلا ساس العواصف تهده=لو صار في عينك هذا زين مبناه
والطيب ورث الرجل من ورث جده=ان مامشابه مدح جده تعداه
ومن لايعدك محزمه لاتعده=وكثر المجامل قارن الذيب باالشاه
والوقت غيرالوقت مفقود جده=كثرت سواليفه وكثرة خطاياه
[/poem]