ديوان حلول البطالة - أيام الرضاع

للشاعر : يحيى بن شيبان

عزة الله ضعت في يوم الوداع=يوم دمع العين همالن سريع

احسب ان القلب مقدامن شجاع=واحسايف جيت منقاد مطيع

خبروني بأول أيام الرضاع=ان باب الشوق به موتن سريع

بس عيبي جيت عجلن بإندفاع=طحت عنده مثل ما طاح الصريع

يا وزين الروح يا زين الطباع=لا تضيعني وانا ما كنت اضيع

ضعت انا وياك بعد الاجتماع=كن ما عشنا على الكون الوسيع

ما تعودنا على زيف و خداع=الوفا والعهد عندك ما يضيع

المسامع ما تجيد الاستماع=لو يكون الصوت بالحد الرفيع

الاوامر لك تجي بالانصياع=كنك الا تامر الجيش السريع

يوم راسي ما يجي بالاقتناع=الا عندك دايمن اسمع واطيع

ادر واعلم ضايقة فيني البقاع=مثل ماضاقت على الناس البقيع

شوف عيني بعد زود الاتساع=في محاجرها غدى ضيقن فضيع

ثار قلبي مثل ثورات الجياع=ما يفكر حتى بالموت الشنيع

دكّ جدران المدينة والقلاع=قاد حربه وسط ميدانن وسيع

ضعيتني خوف حزات الضياع=جعل جهدي بالليالي ما يضيع

الضواري صارعوني والضباع=كل منهم شرس في اليوم الوقيع

ببذل المجهود قدر المستطاع=وغير ربي ما على الدنيا بديع

راحة المخلوق لو انها تباع=لا شراها العبد ما ظني يبيع

https://www.youtube.com/watch?v=ShrfgyQb4do

قناة الشاعر على التيك توك
https://www.tiktok.com/@shiban84