للشاعر المرحوم بإذن الله : حمد بن عبدالرحمن المغيولي
الا ياعيوني مايفيد النظر والشوف=تكافي وكفي لاتراعين ياعيوني
تكافي كفاك مكايد الجادل الغطروف=ابو وجنة فيها اشهر الموت مقروني
انا اشوف شوفك واتمنى وانا مشغوف=من اللي سلب عقلي على غير قانوني
غزال ٍ يداني خطوته بين أمان وخوف=يوّطي قدم رجله على القاع بالهوني
لحظني بعين كن فيها نمش وسيوف=وقع مابكفي واختلط وانصفق لوني
اخذني جهار اكبر ضحى والعباد وقوف=انادي بصوتي والعرب تقل ماوحوني
تبي ذبحتي ياريم وادي سكاكا الجوف=حسيبي عليك مصرف الخلق والكوني
تعرض غريب نازح يم بن رفروف=ورى دار قاره يقنب الذيب من دوني
الا واعذابي منك ياضامر السرجوف=شبكني هواك وبيح الحب مكنوني
الا يازريف الطول انا اطلبك بالمعروف=بعد عونة الله منك انا برجي العوني
دخيلك تلبي دعوة من ثلاث حروف=طرف ساعة افرح بها وانت ممنوني
اريح ضمير بالهوى مولع مكلوف=من الله خلقني بالغنادير مفتوني