الشاعر بركات الشريف
وهذه قصيدته المشهورة بوصيتة لإبنه مالك حيث يقول
يا الله ياللـّي كـل الأمات ترجيك=ياواحـد ٍ ماخاب حـّي ٍ ترجـاك
يارب عبد ٍ مامشى في معاصيك=ولايمشي إلا في محبتك ورضاك
يامـرقب ٍ بالصبح ظـليت بـاديك=مـاواحـد ٍقبــلي خـبرته تعـــلاك
ولّـيت ياذا الـدهـر ماكثر بـلاويك=الله يــزودنا السـلامة من اتـلاك
ياللي علـى العربان عمت شكاويك=ولّيت يـادهـر الشقـا ولّ مقواك
واليـوم ها لكانون غـــاد ٍ شبابيـك=تـلـعب به الاريــاح من كل شباك
يامالك اسمع جابتي يوم اوصيك=واعرف ترى يابوك بآمرك وانهاك
وصية مـن والد ٍ طـامع ٍ فــيك=تسبق على الساقه لسانه العـليـاك
أوصيك بالتقوى عسى الله يهديك=لها وتدركها بتـوفيق مــولاك
الله بـرب أجـــدادك الغــرّ يعطيك=مرضــاته مع ماتمنى من إمنــاك
إحفظ دبشك اللـّي عن الناس مغنيك=اللـّي ليا بان الخلل فيك يرفــاك
وإعـرف ترى مكه ولاها بناخيك=لو تشحذه خمسة ملا ليم معـطاك
إجعـل دروب المرجله من معانيك=وإحذر تميّـل عن درجها بمرقاك
لا تـنسدح عنها وتبغـاني اعـطيك=جـميـع مــايكـفيك ماحاصــل ٍ ذاك
أدب ولـدك إن كان تبغــاه يشفيك=لو ضاقت إمـه لا تخليه يالاك
إمـا سمج واستسمجك عند شـانيك=ويفـر من فعـله صديقك وشـرواك
والا بعد جـهـله ترا هـو بياذيك=لـو زعلت امه لاتخليه يا لا ك
وإحذر تضّيع كـل من هـو ذخـر فيك=معــروف لاتنسـاه واوفه بعرفاك
تـرى الصـنايع بين الاجــواد تشريك=إليا طمعت بغرسهـا لا تعــداك
وإحذر سرور بغبة البحر يرميك=ولا عنده افـلس مـن تشكـّيك وبكاك
وأوف الرجـال حقوقهـا قبل تـاتيك=لا توفيه بالهرج فالحـق يقـفـاك
وهـرج النميمه والقفا لا يجي فيك=وأيـاك عرض الغــافل أيـاي وإيـاك
تبـدي حديث ٍ للمــلا فيه تشكـيك=وتهــيم عند النـاس بالكـذب واشـراك
واليــا نويت إحذر تعلم بطـاريك=كـم واحـد ٍ تبغى منه عرف وأغواك
وأحـذر شماتت صاحب ٍ لك مصافيك=وليـا جرالك جـاري ٍ قال لولاك
و لا تحـسب ٍ ان الله قطوع ٍ يخلـيك=ولا تفرح إن الله على الناس بداك
الضـيف قـدم له هـلا حيـــن يلفيـك=وممـّــا تطوله يافتى الجـود يمنــاك
إحــذر تـلقي الضيف مقـرن علابــيك=خـله محب ٍ لك صديق ٍ ليا جاك
ووصيك زلا ت الرفيـق ان عثا فيك=مازال يغـّطاها الشعـر فا حتمل ذاك
راعــه ولو مـا شفت إنه مـراعيك=عسـاك تكسـر نيته عن معـاداك
وإحـذر عدوك لو ظهــر لك مصافيك=خـلك نبيه وراقــبه وين ماجاك
لا تـامنـه واطلـب من الله ينجــيك=ويكــفيك ربـك شـر ذو لا وذولاك
شفـني انـا يا بـوك بـآ مرك وانهـيك=عـن التعرض بين الاثنين حذراك
إذا حضـرت اطلابـة ٍ به شـرابيك=اســع لهم بالصــلح واللاش يفـداك
ابـذل لهــم بالطيب ربــك ينجــيك=ولا تجضع الميزان مع ذا ولا ذاك
أمـا الشـهـاده فادهـا إن دعوا فيك=بيـّن عمـود الدين لا عميت أريـاك
بالك تمـاشي واحـد ٍ لـك يرديـك=طـالع بني جنســك وفكــر بممشـاك
رافـق أصـيل ٍ فـي زمـانك يشـاكيك=لاشاف خلا تك عن الناس غطـّاك
وحـذراك عن طــرد المقـفي حـذاريك=عليك بالمقبل واترك اللـّي تعداك
ثم إلعن الشـيطان حذراك يغــــويـك=تــرى ان تبعـته لشــرابيك وداك
وأوصــيك لا تشــكي علينا بلاويك=انت السبب اطرفت عيـنك بيمنـاك
وإعرف تـرى اللـّي واطا الفهر واطيك=ولاأنته أعـزمن الجماعه هذولاك
ألمـسك يـاراسي مـن الذل وأخطـيك=وأحـذر تكلم يالساني وحـــذراك
وألطف بجارك قوم من دون عانيك=وافطن لما يعنيك عن ربعة اخواك
ياذيب وإن جتـك الغــنم في مفــاليك=فا كمن لهـا ياذيب لاما تعـــداك
فيما مضى ياذيب تفـرس بيـاديك=واليـوم جــاء ذيـب عن الفرس عداك
ياذيب عاهدني وعاهدك ما أرميك=مرميك أنا ياذيب لو زان مـرماك
والنفـس خالف رايهـا قبل ترميك=ترى لهـا الشيطان يرمي با لاهلاك
ومن بعد ذا لاتصاحب النذل يعديك=عن صحبة الانــذال يابوك حذراك
والهقوة انـك ماتجـي دون أهـاليك=ولا ظن عود الورد يثمـر بتمباك
والحـر مثلك يسـتحي يصحب الديك=وإن صا حبه عاعا معاعات الادياك
لا تستمع قول الطرف يوم يلقيك=بالكـذب يقضي حاجته كل ماجاك
مـن نـّم لـك نـــّم بك ولا فيـه تشكيك=وألياه قد زرى رفيــقك وزراك
عنـدك حـكا فيــنا وعندي حكــا فيك=وأصبـحت كارهنا وحنا كرهناك
مـاخطاك ماصابك ولو كان راميــك=واللـّي مصيبك لو تتقيت مخطاك
مير اســتمع مني عسى الله يهديك=النصح يا ما لك لـك الله مولاك
عنــدي مظنه ما تمثلتها فيك=واطـلب لـك التـوفيق من عند مولاك
يامالك اسمع جابتي يوم أوصيك
العرض الشجري