للشاعر : يحيى بن شيبان
سالكن درب الهوى احسبه بسيط .. لين شابت عيني بكثر الشروط
من سلك درب المحبة يستشيط .. توني بسم الله وشارفت السقوط
ما عرفت اسبح على جال المحيط .. احسب انه هينن مابه ضغوط
احسب الدعوى مثل قص الشريط .. لين خطي صايرن سبعة خطوط
يا جدار الشوق ما اظنك هبيط .. ولو رقينا ما قوينا على الهبوط
يا عليلن بالهوى كانك نشيط .. لا تجي عند المطوع والسعوط
الجريمة تنمسك بأطراف خيط .. وانت جرمك ما مسكنا له خيوط
انت محرم ما يصح تلبس مخيط .. بالسعي خلك على شوط وشوط
الرجا بالقلب لو انه بسيط .. ما وصل قلبي على باب القنوط
https://www.youtube.com/shorts/zMEnpQHTqp8
درب الهوى
العرض الشجري