|
![قديم](aboshdg2008-4/statusicon/post_old.gif)
14-11-2023, 01:14 AM
|
Administrator
|
|
تاريخ التسجيل: Aug 2010
المشاركات: 120
معدل تقييم المستوى: 29
|
|
صك الخطوط
للشاعر : يحيى بن شيبان
صك الخطوط ولا تبقـّي ولا خط=حتيّش لو ضاقت علينا الوسيعه
تعبت انا وياك بالشيل والحط=حرام تشري في هوانا وتبيعه
راح الربيع وصابنا شدة القحط=وين الزمان اللي تقفى ربيعه
لا يا سبب ضيقي وبلواي والضغط=شخصن شراك شلون تقوى تبيعه
وقف وصارحني على ويش بالضبط=كل يوم ترفع لي سيوف القطيعه
يا شيخ كانك تبدي الحل والربط=عطنا فتاوي من فتاوى الشريعه
يا شيخ تكفى بلغو كاتب الضبط=كوده يحطم لي سدودن منيعه
شِح المواصل يلحق نفوسنا حبط=ضاق النظر لو الفيافي وسيعه
اشوف في يده الكباريت والنفط=واخاف من نارن تجيني سريعه
زاد الحمول وحطها فوقنا حط=والنفس شالت شي ما تستطيعه
عجزت اعدل في المقامات والبسط=ضاع الجواب وضاع فكري جميعه
ضاع الجواب وصايب اوراقنا خلط=والكل منا يمسك ادنى ذريعه
قمت اجمع الأوراق تجميعها لقط=جمع الشفوق اللي يهاب القطيعه
الحقتني خبطن على سابق الخبط=ارضيك وترضى لي دروبٍ شنيعه
خليتني طرقي على مفرق الخط=ضيعتني بين الخطوط السريعه
حطيتني في موقفن صعب ينحط=ينحط فيه اهل النفوس الرفيعه
تاخذ ولا تعطي ولا قلت لك عط=عكس البنوك اللي تحفظ الوديعه
اخِشى الحليم الى دنت حالة السخط=ينسى هواك وكل شي ٍ يبيعه
يا شريم تتعبك المنافيخ والشفط=لأن حوبة المظلوم عجلة سريعه
البط له جنحان ولا يقدر البط=يكفخ جناحه والمسافة رفيعه
جدد هوانا دون قيد ٍ ولا شرط=قم وإستلم قلبي سوات الوديعه
شاعر وينظمها على قافي النبط=يعطي نصايح ليت يومن تطيعه
|
الكلمات الدلالية (Tags)
|
منيعه, لقط, البسط, البط, الخبط, الجزل, الخط, الربط, الرفيعه, الشاعر, السخط, الشريعه, الشفط, النبط, النبطي, الوديعه, الوصل, الوسيعه, النفط, الضبط, الضغط, القحط, القطيعه, ذريعه, تبيعه, تستطيعه, بن_شيبان, تطيعه, جميعه, خلط, يبيعه, حبط, يحيى, ينحط, ربيعه, رفيعه, شاعر, شيبان, شيخ, سريعه, شرط, شعر, صنيعه, فتاوي, وسيعه, كاتب ![](aboshdg2008-4/misc/11x11progress.gif) |
تعليمات المشاركة
|
لا تستطيع إضافة قصائد جديدة
لا تستطيع الرد على القصائد
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 04:55 AM
|
|