صحيح إني ابدوي

[الديوان]

 للشاعر : سعد بن جدلان


أنا عشت بالشدات ماعشت بعنايه=وصحيح إني ابدوي لياقلتوا إبدوي

عطاني زماني من تجاريبه اكفايه=وعرفت الخطأ والصح والنقص واللّوي

وبرق لي على الضيحة كما برقة مرايه=وورّدني سراب من طمع فيه ما روي

وبراني كما يبري القلم وسط برّايه=ونزع مني أخلاقي وخلاني بدوي

فترى الناس ما كل يبي ينوخذ رايه=ولا كل من جاب المواريد ما غوي

ولا كل حيد تنقله يصلح ابنايه=ولا كل جدد لا تراكيت به قوي

ولا كل من صادقت تبدي له الغايه=ولا كل من يضرب فجوج الخلا خوي