يا مادح الانذال مدحك خسارة

[الديوان]

 للشاعر : بديوي الوقداني رحمه الله



يا مادح الانذال مدحك خسارة .. وراك ما تمدح هل الفضل والجود

اللي يشوفـون المدايـح تجـارة .. واعراضها ماحشها علـم منقـود

لا تمدح اللي جالها المـدح عـاره .. لا وارثه ابوها ولا هـو بمعـدود

جـدّه وابـوه يحلِّبُـون الوبـاره .. ويدوِّرُون التمر في مقلـع العـود

لو جبت له منظوم طـول المنـارة .. ومسطرة بالمسك واقلامها العـود

ضيعت مدحك في حصيني مغـاره .. زاده من الفيران والنمل والـدود

ان الردي لو تضربـه بالحجـارة .. والا مطارق شوك وسلاح محـدود

جنبه متيـن ولا يخـاف المعـارة .. ولا يعرف البيضا ولا يعرف السود

والحر دايم يحتـرك بـا لإشـارة .. يفزّ مثل الزّند لـي قـدح بـارود

رجّال يسـوا لـه ثمانيـن حـاره .. ورجّال ما يسوى ولا عظم عجرود