للشاعر : يحيى بن شيبان
ياليت مثلك بالعرب لو ثلاثين=يالقاسمي يابن السلاطين سلطان
فيك التواضع زايدن بالموازين=غصبن يزيد إليا وضع فوق ميزان
نيوتن اللي سن بعض القوانين=الجاذبية حط لها حدود وأركان
جذبتنا حولك وجيناك ماشين=الجاذبية جات من دون حسبان
حطيت ذكرك بالشعر والدواوين=في خافقي مفتوح لك خمس بيبان
خيام الغلا تنصب لك اليوم عشرين=في روضتن فيها ثمانين فدان
يا وين ابلقى بالعرب مثلك الحين=يالنادر الزيزوم يا طير حوران
الشارقة في خير من عام سبعين=من صرت حاكمها بها الخير للآن
لأنك حكيم وعادلن في الموازين=والشعب يهتف مايبي غير سلطان
ارسل سلامي مدبلن للسلاطين=من تونس الخضرا الى اطراف عجمان
غلفتها بريح النفل والبساتين=وجمعتها من كل روضن وبستان
وأرسلتها ومسجله بالعناوين=ماضاع طردن مسجلن فيه عنوان
اقبل سلامي مغلفن بالدواوين=كتبتها لسلطان ولا غير سلطان
والختم صلى الله على ناصر الدين=اللي إبعثه ربي على الانس والجان
قصيدة في الشيخ الدكتور سلطان بن محمد القاسمي
العرض العادي
