لوحة التحكم التسجيل ديوان حلول البطالة
المشاركات الجديدة  البحث في الاقسام والمواضيع تسجيل الخروج
 
  #1  
قديم 12-08-2010, 06:06 AM
Administrator
 
تاريخ التسجيل: Aug 2010
المشاركات: 114
معدل تقييم المستوى: 28
الديوان يستحق التميز
افتراضي حي الجامعة والمرسلاتي

للشاعر عبدالله بن زويبن الحربي

[poem=font=",6,,bold,normal" bkcolor="transparent" bkimage="http://www.dewan.btalah.com/mwaextraedit2/backgrounds/27.gif" border="inset,3,white" type=0 line=0 align=center use=ex num="0,black""] راكب اللي والنجوم اللامعاتـي=في سماهن والصباح يشع ضيه
بين حي الجامعـة والمرسلاتـي=واستدار امع الخطوط الدايريه
ما التفت راعيـه يـم اللافتاتـي=حافظ كـل الخطـوط الريسيه
أول أسمه بالثـلاث المفرداتـي=رقم خمسة بالحروف الأبجديه
تـو لوحاتـه عليـه مركباتـي=صادرات من مرور الناصريه
وارد تـوه حديـث مواصفاتـي=يلتهـب بديـه ويلمـع داخليه
كن طبلونـه جهـاز مراقباتـي=في حدى المستشفيات المركزيه
شاشـة لنباتهـا مثـل السفاتـي=للدمـاغ مخصصـة والباطنيه
تنكشف به بالضروف الطارياتي=دقة القلـب السريعـة والبطيه
وكشنه الداخل زلـول ناعماتـي=قبتـه وارضيـتـه والجانبـيه
والمراتب من جلود الزاحفاتـي=ماآدري هو جلد داب أو جلد حيه
ماقطعت الشك ميـر مموهاتـي=مثل تمويـه البـدال العسكريه
بديه أدهم والخطـوط مذهباتـي=مثل عقد الماس في عنق الفتيه
والزوايا والركـون مصفحاتـي=مايله والواجهـه مثـل الخليـه
بين شمعات صغـار مربعاتـي=والعلامـة وردة فـي مزهريـه
يوم مريت العيـون الساهراتـي=قوةٍ للأمن فـي حجـم السريه
قبل ما آقف عندهم واطلع اثباتي=صفو العسكر ودقوا لـه تحيه
مشترينـه للديـار النازحـاتـي=والخطوط المتعبـات السرمديه
الطوال اللـي تشـق النايفاتـي=باتـلات مثـل بطـن البندقيه
ماتخاويـه الريـاح الذاريـاتـي=والوحش والطايرات المروحيه
كن له جنحان مثـل الطايراتـي=يرفعنـه فـوق مـدري جاذبيه
وكن ماله من خلاف مساعداتـي=قـوة الماطـور ترفـع مقدميه
وان عطيت ابه الفجوج الخالياتي=فزته تعطيـك عـزم ومعنويه
ماوقف يطبـخ بلوفـه ذايباتـي=والشـراب مغلـق مـن تانكيه
وإن نظر راعيه مع كل الجهاتي=مايشوف الا الخـلا والمهمهيه
للسراب وللمعاصيـر اعتماتـي=عبلةٍ جـردا وشمـسٍ صنقريـه
وأيس المسكين من تالي الحياتي=وأرتكى فوق الكفر يكتب وصيه
كن جَلده جَلـد خيـل هاجماتـي=أول الغارة فرس شيخ الغزيه
أن هجم قدم السبـاق الأولاتـي=يشتبك هو والعدا فـوق العبيه
وان رجع يثني خلاف التالياتـي=يقهر السبـق ويرجـع للرديه
وإن كسب حم الذرا والمسرجاتي=مايخيب ظن من قـال الحذيه
غازيٍ يبغى النقى قبل الفواتـي=غاديٍ له عنـد عدوانـه شفيه
أزعجنـه بالصيـاح الناعياتـي=كل ما نادى المنادي فـي سميه
أتعجـب بالعلـوم الماضيـاتـي=وألتفت في موتري واذكر مزيـه
مع جراديح الحـزوم النابياتـي=كن حذفه للحصى حذف أهوشيه
لا وطى له مروةٍ راحت شتاتـي=كل قطعة طيرت مثل الشظيه
يم حايل من شمـال امغرزاتـي=ماقصد غير الطهيمي في مجيه
ناصٍ عليان في موضوع ذاتـي=مايسـده واحـدٍ مابـه حميه
ما يسده غيـر راع الواجباتـي=يوم ولد اللاش يبخل في طليه
والدلال الصفر دايـم والماتـي=من قديم الوقت راعـي شاذليه
والعشاء كثر الضيوف امفطحاتي=كل واحد له ذبيحة فـي صينيه
كنس ماهن مـن المستورداتـي=ما يجيب البربـري والساكنيه
ما يجيب الا السمـان الغالياتـي=يتخير فـي نجـد نجـد العذيه
بين حايـل والقصيـم مربعاتـي=بالفياض اللي مناضرهـا بهيه
من بعد سيل الوسـوم مسيلاتـي=مرتين امـن المـزون العقربيه
أول النـاوة سيـولٍ جارحاتـي=وآخر الناوة قرى صمد وشغيه
الزهور اللي على روس النباتي=يشبعن إبها الضحى وأرضٍ مريه
ما تثنـن بالمـراح مهوجراتـي=ولا عطوهن من علاج البيطريه
والمداخـن بينهـم متعاقبـاتـي=كل وحدة راسهـا ياخـذ أوقيه
ما قطع فيهن عطـور السيداتـي=ريحة المعمول ولـى الجاونيه
مايخلي نافـذه لأهـل الشماتـي=جعـل مايبقـى لتاليهـم بقـيه
وله عوايد بالعطايا المعجزاتـي=الجيوب الشهب يعطيهـا هديه
ومن بغى يزعل من العلم الثباتي=ما عليَـه منـه والله مـا عليه
إن زعل يرد البحور المالحاتـي=إن رضي ولى إيبنط في طميه
يا ولد راشد بـدون مجاملاتـي=حايزٍ كـل المزايـا الجوهريه[/poem]

رد مع اقتباس
إضافة رد

مواقع النشر (المفضلة)

الكلمات الدلالية (Tags)
حي الجامعة والمرسلاتي, عبدالله بن زويبن

أدوات القصيدة
انواع عرض القصيدة

تعليمات المشاركة
لا تستطيع إضافة قصائد جديدة
لا تستطيع الرد على القصائد
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:39 AM


Powered by vBulletin® Copyright ©2000 - 2024, Jelsoft Enterprises Ltd.
 
:: إهداء من ابوشدق ::