لوحة التحكم التسجيل ديوان حلول البطالة
المشاركات الجديدة  البحث في الاقسام والمواضيع تسجيل الخروج
 
  #1  
قديم 08-08-2010, 02:47 AM
Administrator
 
تاريخ التسجيل: Aug 2010
المشاركات: 16
معدل تقييم المستوى: 28
dewan يستحق التميز
افتراضي يالله عفوك يوم تصفية الحساب

للشاعر بن فطيس


[poem=font="arial,6,white,bold,normal" bkcolor="transparent" bkimage="http://www.dewan.btalah.com/mwaextraedit2/backgrounds/3.gif" border="inset,3," type=0 line=0 align=center use=sp num="0,black""]
يالله عفوك يوم تصفية الحساب=يومٍ حصاد لما زرعنا في السنين
يوم الحشر قرب ولا معنا زهاب=اليوم في الدنيا وبكره راحلين
نجني ذنوب ونرتجي عفو وثواب=وعلى نصر ربي لنا مستعجلين
تدرون ليه امالنا كنها سراب=تدرون ليه النصر سيف الاولين
الاولين اعمالهم وفق الكتاب=قاموا عليه وباعوا الدنيا بدين
وحنا غفلنا بين ما لذ وطاب=والنصر سيفٍ مايسله غافلين
نصبح على شوف انتهاكات وخراب=ونمسي على دمع وتنهات ونين
بصدورنا شي تذوب اله الهضاب=وافعالنا والواقع رياح ..وطحين
وعلى العيون من الفتن مثل الضباب=معد درينا من يسار ومن يمين
ما للضعيف الا الدعا لو مايجاب=ماغيره الا الشوف مكتوف اليدين
يالله زلزل تحت الاعداء التراب=والطف بنا واحقن دماء المسلمين
ندعوك ياقادر على جعل السحاب=جيش لنصرة قلةٍ مستضعفين
اغرقهم بنوع من انواع العقاب=غرق الغلام اللي يحسب انه فطين
لوما عصى نوحٍ نجا به في رحاب=سفينته وامضى معه في العمر حين
لكنه اختار الخساره والذهاب=اصنع بهم صنعك به وانت المتين
والا اخذهم يامجري ٍ سود الحقاب=اخذ العجوز اللي بقت في الغابرين
ذوقهم اللهم انواع العذاب=اللي عثوا في ارضك امن المفسدين
والطف بمن لبسوا من التقوى ثياب=عبادك المستهدفين المتقين
تكالبت عليهم انياب الذئاب=ولا غير عونك يامعين الصابرين
من بينهم شيبه يعجزون الشباب=من وقفته من طولها في الركعتين
ومن بينهم بنت تون بلا حجاب=احجابها لفوا به الجرح المكين
تصيح ما هو من ألم ولا صواب=تبغى الحجاب اللي خذوه المسعفين
وطفلٍ عن عيون امه الثنتين غاب=تبكيه عين وتلتفت لأخيه عين
من هول مايجري لهم شاب الغراب=ياوسع حلمك وانت مافوقك مدين
ادعيك وانت ادرى بحال اهل المصاب=وامد كفي لك يا اكرم الاكرمين
[/poem]

رد مع اقتباس
إضافة رد

مواقع النشر (المفضلة)

الكلمات الدلالية (Tags)
يالله عفوك يوم تصفية الحساب

أدوات القصيدة
انواع عرض القصيدة

تعليمات المشاركة
لا تستطيع إضافة قصائد جديدة
لا تستطيع الرد على القصائد
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:48 PM


Powered by vBulletin® Copyright ©2000 - 2024, Jelsoft Enterprises Ltd.
 
:: إهداء من ابوشدق ::