النفط الحمر

[الديوان]

للشاعر : يحيى بن شيبان

دق سلفه ثم فوّل ديزله=ما قوينا قيمة النفط الحمر

سج رجلك لا تجي في معزله=رح منيفه كان تبغى والحفر

ادري انك لا قريت الزلزله=ما تبي الدمام وأسواق الخبر

اعلم انها لا نزلت مستنزله=حدّرت بالقاع من روس الشجر

تعفس اللي ساكنن في منزله=ويله اللي ما خذا منها العبر

كان راسك فيه حبّ تنزله=ان بغيت بطيب ولا بالجبر

يا رفيعن بالقدر والمنزله=قم تمسّك بالصبر ثم الصبر

خفف الحمل الثقيل ونزّله=فوق ظهرك لا يجي كل الحجر

الليالي فيها جد ومهزله=عزتي للي توليه الدبر

صون قلبك يا نديبي وأعزله=وأقبض العليا على درب الفخر

https://www.youtube.com/watch?v=aCiZiVyFlmY


قناة الشاعر على التيك توك (https://www.tiktok.com/@shiban84)