كل ما زرت الهفوف

[الديوان]

يشهد الله كل ما زرت الهفوف=اعتبر نفسي سكنت بمنزلي

جيتها ولهان والخاطر شغوف=وان بغيت الجد هذا الحاصلي

جيتها واصبحت فيها فيلسوف=لين شعري صار مثل الاخطلي

ان وصفناها تعبنا بالوصوف=ابذلي يا نفس بالشعر ابذلي

يوم اهلها طيبهم ما له وصوف=ما حصل بالشام ولا الموصلي

قالو منت الضيف احنا اللي ضيوف=والله انك انت رب المنزلي

البشاشة تكفي عن ذبح الخروف=شفتها في وجه بدر الجندلي

فيه مواقف تستحق منا وقوف=والشهادة بالضمير الداخلي

سامريني يالقوافي والدفوف=لا ابتدى بي المسامر واصلي

يا صحيبي وانت بعيونك تشوف=عطني رايك يوم منتب جاهلي

عطني رايك بالحسا واهل الهفوف=خابرن وزنتك وزن الخردلي

يالحسا والله لو ما هالظروف=ودي انزل فيك وابني منزلي

سِعد عين اللي سكن وسط الهفوف=ولا ساكن بالطريق النازلي

ويتنزه بالمعالم والكهوف=يوم في القارة ويوم المشتلي




الشاعر : يحيى بن شيبان

https://www.youtube.com/watch?v=DL_rwo09Q1A



https://www4.0zz0.com/2024/07/22/13/775538513.png

قناة الشاعر على التيك توك
https://www.tiktok.com/@shiban84