ديوان حلول البطالة

ديوان حلول البطالة (https://www.dewan.btalah.com/index.php)
-   قصائد مميزة (https://www.dewan.btalah.com/forumdisplay.php?f=3)
-   -   الفقر : شخـصٍ طلبـك الما ولامعـك قربه (https://www.dewan.btalah.com/showthread.php?t=106)

الديوان 02-03-2015 12:51 AM

الفقر : شخـصٍ طلبـك الما ولامعـك قربه
 
[poem=font="arial,6,,bold,normal" bkcolor="transparent" bkimage="" border="outset,3,white" type=0 line=0 align=center use=ex num="0,black""]
لاتقصـر بصوتك ولاتحسب حساب=الخـوف لاعشعـش بعمرك قصربـه
خذها كذا من راس ماهوب يرتـاب=ورده علـي لاقيـل منهـو هذربـه
المال يبنيلك وطن وسـط الاجنـاب=والفقر لوهو وسـط الاحبـاب غربـه
ماتنغبـن ياكـود مـن طقـة البـاب=شخـصٍ طلبـك الما ولامعـك قربه
تضيق فـي عينـك وسيعـات الاجنـاب=وتصـد عينك ماتلـد النـظـر بــه
خـص الـذي ماعنـه منحـى ومجنـاب=واشيب عينـي نظرتـه لاخـزر بـه
واومى براسه وابتسم عقب ماخـاب=واقفى ولايـدري علـى ويـن دربـه
والله ياميـقـاف رجــلٍ بلاثـيـاب=اهون مـن الوقفـه وأخيـك بكربـه
المال ذل اشناب وارهى على اشناب=وكـم سيـف فـي جـربٍ ولاهو بجربـه
وكم شيخةٍ جيبت من افعال وانساب=قفـت ورى شيـكٍ يفـج النـحـر بــه
وكم شيخةٍ بنيت على فتحـت حسـاب=وان دندنت ماهـو يشـد الظهـربـه
وكم مجلسٍ خيلـه تربـط بالاطنـاب=واليوم مايسمـع دنيـن النجـر بــه
وكم مجلسٍ قد كان حفـره وسـرداب=مـن درهمانه صـار للنـاس طربـه
وكم عظم قومٍ يوم ثوعـات الانشـاب=فقره كسـر عظمه وشـوه بطـر بـه
وكـم واحدٍ لوتبخصه (دايـح كـلاب)=بالمـال ياكـم شاعـرٍ قـد شعـر بــه
ياصاح وادري يلحقـن لـوم وعتـاب=من عالمٍ شعـري يشـب الجمـر بـه
وادري اببلـش بيـن ناقـد وكـتـاب=نـاسٍ لقـول الحـق مـاهـي بطـربـه
وادري ابسمـع ذا بلابـوك ياعقـاب=من واحـدٍ جـرب عنـاي وشعـر بـه
لاقلت والدرهم وطن وسـط الاجنـاب=والفقر.. لوهو وسـط الاحبـاب غربـه
[/poem]


الساعة الآن 12:43 AM

Powered by vBulletin® Copyright ©2000 - 2024, Jelsoft Enterprises Ltd.