ديوان حلول البطالة

ديوان حلول البطالة (https://www.dewan.btalah.com/index.php)
-   قصائد عامة (https://www.dewan.btalah.com/forumdisplay.php?f=2)
-   -   من شفت ناب الذيب في جيفة الذيب .. آمنت بإن أهل المروّه قلايل (https://www.dewan.btalah.com/showthread.php?t=115)

الديوان 22-09-2017 06:33 PM

من شفت ناب الذيب في جيفة الذيب .. آمنت بإن أهل المروّه قلايل
 
ما نجهل الدنيا ولا نعلم الغيب
مير الزمان اليا تمايل تمايل

تصيب بعض أحيان وأحياناً تخيب
وأنت اعتبرها مثل كبوة أصايل

نمشي على درب الكرم والمواجيب
ولا شكينا من سموم القوايل

لو البشر ما هي تحب الأصاعيب
ما كان عاشت فالجزيره قبايل

الطيب ما يعني تجنابك العيب
الطيب كيف تطول روس الطوايل

يا صاحبي من قبل فتح المكاتيب
إقرى على الدنيا عسيف المثايل

أقسى طعون الضيف طعنة معازيب
لا من غدت بين الردى والتحايل

يا صاحبي والحزن شيخ المحاديب
تحت أمره تقوم وتطيح الحمايل

ترا الكرم يستر كبار العذاريب
وترى البخل يقطع يدين الفضايل

من شفت ناب الذيب في جيفة الذيب
آمنت بإن أهل المروّه قلايل

لا صرت ما تضمن قلوب الأصاحيب
جنب قبل تلفي عليك الفشايل

أحدن إذا مديت له طيبك يغيب
ما تملي عيونه كبار الفعايل

وأحدن يموت إن كان سويت به طيب
يخاف ما يقدر يرد الجمايل


الساعة الآن 06:06 PM

Powered by vBulletin® Copyright ©2000 - 2024, Jelsoft Enterprises Ltd.