ديوان حلول البطالة - روم المعالي ياعبيد وترقا / الشاعر محمد بن عبيد الوابصي البلوي

للشاعر : محمد بن عبيد الوابصي البلوي

لاشفـت دلو(ن)فيـه فتق(ن)وشقـا .. اعرف ترى الماء مايجي وافياً فيـه

ولاشفت حبـل السانيـة فيـه دقـا .. اخذ الحذر من قبـل تقطـع مثانيـه

ولااوحيت جرح(ن)بالمعاليـق لقـا .. اعرف ترى ماعـاد ينفـع تداويـه

والجـرح لامنـه بسـم (ن)تسـقـا .. حم الحديد الصلب بالنـار واكويـه

والظلـم لامنـه لبـس ثـوب حقـا .. لابـد ماتخـلـع ثياب(ب)تغطـيـه

ومن طق باب النـاس بابـه يطقـا .. في خير والا بشـر ربـه يجازيـه

وماصابك ماخطـاك مهمـا توقـا .. ومااخطاك ماصابك ولو صاب راميه

روم المعـالـي ياعبـيـد وتـرقـا .. بالعلـم والايمـان تاصـل لعاليـه

والصالحات اخيـر ياعبيـد وابقـا .. ادي حقـوق الله ولـبـي منـاديـه

وعن لازم(ن)يلزمك حرصـك تتقـا .. لاخير في رجل(ن)يخلـي عوانيـه

وفي عشرة الانذال حرصـك تهقـا .. كم واحد(ن)بالنذل ضاعت هقاويـه

وحرصك وراء المقفي تصيح وتنقـا .. من باعكم بالرخـص بيعـه بغاليـه

وسـط المجالـس لاتهـرج وتلقـا .. اصمت ترى ان الصمت ميزه لراعيه

واليا هرجت اهرج بلطف(ن)ورقـا .. وافصح لسانك لاتجـي لكنة(ن)فيـه

ان انكر الاصـوات صـوت النهقـا .. وفم الرجل واحـد وثنتيـن اذانيـه

بعض العرب بالوزن مايـوزن اقـا .. لكـن بفعـل الطيـب تنـدأ اياديـه

وبعض العرب مثل الذهب له تشقـا .. اتعب على الطيـب الـى ماتلاقيـه

ياعبيد هـذا واعـرف اللـي تبقـا .. حـق الجـوار وضيفكـم لاتخليـه

هـذا كـلام ابـوك قول(ن)منـقـا .. قول(ن)قليل وزبـدة الهـرج تكفيـه

لـولاى ما اكتـب بالقلـم عالورقـا .. واملي هواجس خاطري يـوم تاتيـه

شب الحشا فـي داخلـي واحترقـا .. لولا بيوت الشعـر لاشـب تطفيـه

وصلاة ربـي عـد ماالنـور شقـا .. علـى نبيـاً تـمـم الله مساعـيـه