الشايب اللي بالحشا ذاق الأمرار
 

للشاعر : فهيد البقعاوي


[poem=font=",6,,bold,normal" bkcolor="transparent" bkimage="http://www.dewan.btalah.com/mwaextraedit2/backgrounds/1.gif" border="outset,3,white" type=0 line=0 align=center use=ex num="0,black""]
الشايب اللي بالحشا ذاق الأمرار=يبكي من الاوهام حـزن ونكـاده
يشهق على مافات واللي بعد صار=يوم الليالي فـي حشاهـا سعـاده
يبكي عياله والعنـى داخلـه نـار=والهم يحرق والغثـا فـي رمـاده
يقول ثـاري ليتنـي آخـذ الثـار=منهم وانا بالصبر مالـي جـلاده
عيالي اللي طبعهم طبع الاشـرار=محكوم انا بالحزن حكـم الابـاده
والله خسـارة لوعونـي بالاقـدار=ونسو بـلا ميعـاد عطفـي وزاده
بالدار خلونـي وحيـدٍ وباالـدار=اشكي وهم دنياي وآخـذ وكـاده
لا احدٍ سئل عني ولوبس بأفكـار=ياللأسـف زادو عذابـي زيـاده
انا ابوهـم قلتـه بسـر وجهـار=لكن صدى الاصوات مالـه افـاده
والله انا ما اخطيت في حق الاخيار=مسلم واصلـي قايـم بـا العبـاده
واليوم انا ياناس بالـدار محتـار=ماغير اسولـف للقهـر والقـراده
كبير سن والمرض زاد الامـرار=أبكي قهـر والحـزن زاد بنكـاده
[/poem]