ديوان حلول البطالة

ديوان حلول البطالة (https://www.dewan.btalah.com/index.php)
-   قصائد عامة (https://www.dewan.btalah.com/forumdisplay.php?f=2)
-   -   ياسعود تكفـى لايفكون الاطناب (https://www.dewan.btalah.com/showthread.php?t=54)

الديوان 08-13-2010 05:52 PM

ياسعود تكفـى لايفكون الاطناب
 
الشاعر : احمد بن عبدالرحمن العريفي

ياسعود تكفـى لايفكون الاطناب=ياسعود تكفى قلهم بس ليله
نفسي تشلع كل ماشلع منساب=طواري الفرقا علينا ثقيله
يومٍ طويتـوا فرشكـم خافقـي ذاب=كن الضماير وسط حر المليله
ياسعود شفي من هوى البر ماطاب=خلوا حبيـس الدار يبرد غليله
يكفيه من طول السنه صكت الباب=ويكفيه من طول السنين المحيله
خلوه يسلى عن همومه والاتعاب=ويسج رجله بالفياض الظليله
والصبح يشرف له على راس مرقاب=ويشم ريح الشيح وسط الخميله
خميلةٍ خضرا تقل مابها تراب=فيها الزبيدي مثل روس النثيله
وريح البختري والنفل مثل الاطياب=تنعش قلوب ٍ بالحنايا عليله
وبالليل حول النار تلتم الاصحاب=وتبدا السوالف والعلوم الجميله
وكن الكواكب فوقنا والقمر غاب=جمرٍ تنثر في مهب المسيله
وماحلى الصبا لجت مع الصبح تنساب=يحوشها ضوح الفجرفـي شليله
بالبر نسلى عن هوى تلع الارقـاب=اللي على شوفه نسوق الجليله
ونسلى عن هموم المدينه والانشاب=ونرتاح من بعض النفوس الرزيله
يالله طلبتـك يالولي رب الارباب=تديم انعامٍ علينا جزيله
وتغفر ذنوب اللي من الذنب قد تاب=يـارب وفقنا لدرب الفضيله
والخاتمه صلوا على سيد الاحباب=رسول رب البيت راعي الوسيله


الساعة الآن 07:07 AM

Powered by vBulletin® Copyright ©2000 - 2022, Jelsoft Enterprises Ltd.