ديوان حلول البطالة - قصيدة اليخت

الله على اللي سرعته تسبق الصوت=وإلى ركبت السيت كنك على فراش

كن البدي مسلوب والباب منحوت=يقضي لزوم اللي نوى اليوم مطراش

إلى غدى صدرك من الخط مكبوت=عليك باللي يبرد القلب والجاش

إلى نويت الشام وأطراف بيروت=عنّز على بنز ٍ شديد وبطاش

يا عنك منهو يملك اليخت مبخوت=عيش العمر لا صار لك باقي عراش

له نجمة ٍ منحوتة ٍ فوق كبوت=تلمع مع التصوير و أنوار الفلاش

من معرضه خذته مع إثنين ريموت=ومشيّك والختم بختوم قرقاش

ياليت من يكسيه في خمسة بشوت=فيها الزري منقوش بيدين نقاش

وأطيب البيبان من عنبر الحوت=وأطيبه والطيب من خلطة جراش

إنسى الشبح مرة مع كشخة الحوت=عليك باللي سلطو فوقه فلاش

اليخت مثل الدر غالي وياقوت=سقنا به الاموال سوق ٍ على كاش

جبار فوق الخط بالعز منعوت=يبرد كبود اللي من الوقت عطاش

تقول فيه السحر من سحر هاروت=من حين ماشفته ونا بحالة ادهاش

سخرت له قافي على بيت وبيوت=ثم استعذت الله من فزة الواش

الشاعر : يحيى بن شيبان

https://www.youtube.com/watch?v=6ZPLQK16Uxo

https://up6.cc/2024/08/172392489592991.png

قناة الشاعر على التيك توك
https://www.tiktok.com/@shiban84