|
تفحيط الحريم
خل كلامي روح واسأل لك حكيم=قول مات الذيب والعنز تعوي خذ جواب ٍ من ذهن عبدالحكيم=من التجارب صار في قلبه كوي الله اكبر كيف يسوقن الحريم=ما خبرت البنت بالقلب القوي اشغلونا بالطريق المستقيم=وجاكرونا بالطريق الملتوي تستهيم بكل حي ٍ تستهيم=والشوارع دوم تطويها طوي تحسب انها منجزة شي عظيم=في ظماها تحسب انها ترتوي لو تشوف وليدها مثل اليتيم=من دبور الام طايح منزوي يارشيدة علمي بعض الحريم=تجتهد في بيتها غسل وكوي المصيبة صار صيت ٍ للحريم=تنافس الدرباوي لو عنده خوي تتقن التفحيط مثل اللي فهيم=والتواير كنها تشوى شوي ليت نرجع للزمان اللي قديم=قبل يد الحر فيها تلتوي للزمان اهوال وذا شي ٍ عظيم=دلنا يالله للدرب السوي الشاعر : يحيى بن شيان https://www.youtube.com/watch?v=rSAXoiPjcaI https://www2.0zz0.com/2025/03/19/03/878389775.png |
| الساعة الآن 11:02 PM |
Powered by vBulletin® Copyright ©2000 - 2025, Jelsoft Enterprises Ltd.