[الديوان]

 

شفت علمن عند شيخ الشارقه=علم خير ٍ ما هو علمن بالعجاج

ذاك شيخن فيه ميزه فارقه=كن هرجه فيه كل وصفة علاج

سابقن وقته ولا هو سابقه=كل يومن فيه خيرن وانبهاج

شيخ عادل ما يعرف التفرقه=ينسج خيوط العداله بالنساج

في فعول الطيب محدن زارقه=كل ضيقن بين يده له فراج

في البحور مرسين زوارقه=يسعف اللي غارقن بين الهماج

يا ذراهم بالشموس الحارقه=يا سفير الخير يا طلق الحجاج

بشر اللي ساكنن بالشارقه=بفلتن فيها المسابح والكراج

العزوبي اليوم همه فارقه=بشر اللي صاملن يبغا الزواج

انت ريفن انت ظل الوارقه=يا سراجن زاد نوره بالوهاج

فيه عقولن في ذكاها خارقه=وفيه عقولن حدها سوق الحراج

انت غيثن انت غيمة بارقه=انت خيرك ما يطوّق بالسياج

انت عزن ضاع من هو فارقه=بالمكارم كاسبن نجمة وتاج

تدري ويش الميزة اللي فارقه=شيلتك هم المواطن والزواج

نامي في نومة هنا يالشارقه=جعلك عينك ما تشوف الانزعاج

في النعيم وكل خيرن غارقه=بظل شيخن طالقن فيها الحجاج



الشاعر : يحيى بن شيبان

قناة الشاعر على التيك توك

https://www.tiktok.com/@shiban84