عرض مشاركة واحدة
  #1  
قديم 15-09-2020, 11:34 PM
Administrator
 
تاريخ التسجيل: Aug 2010
المشاركات: 114
معدل تقييم المستوى: 28
الديوان يستحق التميز
افتراضي حاولت أعالج علتك مير ما هناش

الشاعر يحيى بن شيبان

حاولت أعالج علتك مير ما هناش
كل يوم اعالج والجروح إتجدد

ودي ابرسل لك من الراس مطراش
لكن فكري كل يوم يتردد

مافيك طب ولا نفع فيك الانعاش
وأنته تشوف الحق وعنه تصدد

لو يسمع ابياتي من الطير خفاش
وقف مكانه بالنظر ما تلدد

كبودنا راحت مع الوقت عطاش
وأنته ضميرك فيه حرفه يردد

امسح دموعك لا يجي منك الاجهاش
وأغنم سنينك قبل ما هي تبدد

ما هوب عيبن لو لبس غيرك خياش
الموت لا صرت لعدوك تودد

ما نيب بصدور المخاليق نباش
حتى النصايح صرت فيها أتردد



رد مع اقتباس