[الديوان]

للشاعر : فهيد البقعاوي


[poem=font="arial,6,white,bold,normal" bkcolor="transparent" bkimage="http://www.dewan.btalah.com/mwaextraedit2/backgrounds/22.gif" border="outset,3,white" type=0 line=0 align=center use=ex num="0,black""]
عمر المراجل ما تحدد بالاشكال=عمر العفن ماذاع بالطيب صيته
يبقى على ما قيل جماع للمال=ردي نفس ولو بحالك فديته
وإلا الرجل تعرف مباديه بالحال=تعرف بعد وشلون لا من نخيته
يعجبك في حاله وقوله والأفعال=يعجبك لا من جيت عاني نصيته
ذكرى بقى تاريخ عايش للاجيال=بعلومهم هي ساس مجده وبيته
هذا نعم هذا كفو طيب الفال=هذا اللذي من شان طيبه هويته
وأنا انا ياصاحبي صرت رحال=بافكار قافي شامخاته رقيته
شفت العجب في لحظه الصمت غربال=في لحظته شديت قافي وجيته
أحيان أحس إن المبادي بالأقوال=من يوم خاب الظن من هو هقيته
وأحيان أقول إن الأمل صدر رجال=بحروف شعره مجد عزه خذيته
وأحيان لا والله إلا ولا زال=نبع الكرم ساس المراجل لقيته
في كل شخص حسب لقول من قال=حسب لها حتى ولو ماعطيته
يكفيه علم غانم رغم الاحوال=ويكفيه ذكر حروف شعر قريته
ان المراجل ماتحدد بالاشكال=وان العفن ماذاع بالطيب صيته
[/poem]