عرض مشاركة واحدة
  #1  
قديم 21-02-2013, 01:38 AM
Administrator
 
تاريخ التسجيل: Aug 2010
المشاركات: 114
معدل تقييم المستوى: 28
الديوان يستحق التميز
افتراضي والله ما يكبر في عيون الرياجيل / الشاعر مدغم أبو شيبه

[poem=font="Arial,6,white,bold,normal" bkcolor="transparent" bkimage="http://www.dewan.btalah.com/mwaextraedit2/backgrounds/22.gif" border="inset,4,white" type=0 line=0 align=center use=ex num="0,black""]
والله ما يكبر في عيون الرياجيل=الا مواقيف الرجال العظيمه
ولا الردي دايم ردي مثل ماقيل=راس ادمي واللي تشيله بهيمه
عنّـز على الله ثم على صفوت الجيل=الطيب الطيب يامال الغنيمه
لا تلتفت على اهل القال والقيل=اللي يشيلون الرجوله ظليمه
ترى الجمل والعبد والداب والسيل=لازم ثقتك تكون فيهم عديمه
الحق في مانزل الله لجبريل=على الرسول اللي رضع من حليمه
واللي مع الساحر حمامه ومنديل=اول خيوط الفاحشه والجريمه
افلح ترى تالي النهار اول الليل=تماكن الفرصه وذب الخريمه
ورجل ٍ يشح بجاهه ووجهه بخيل=ويمنن تبادر بالمكارم كريمه
غنيمتٍ ترقابها الجدي وسهيل=وغنيمتن منها السلامه غنيمه
وخسارتن يطلع وراها محاصيل=الذ من فوزن بطعم الهزيمه
النفس تقبل مثل ماتقبل الخيل=وتصد لو ان النعم مستديمه
شين تخافه من عقوبه وتنكيل=وشين تعافه من كرامه وشيمه
لو كان تضحك من كلام المهابيل=لا بد تبكي من دموع اليتيمه
والوقت نفس الوقت مافيه تبديل=يمضي وينسخ لك جديده قديمه
تكثر بركته بالدعاء والتهاليل=وتقل من قل النوايا السليمه
ودك ترجالك سراب وتماثيل=وطرقي وقتك قيض وأرضك وخيمه
ولا تدور حاجتك عند دعبيل=خبلن يزم نفيسته في خشيمه
لون ما الله فضل الناس تفضيل=لفضل الأشجار معنى وقيمه
الناس منها الفود ماهوب بالحيل=والأشجار منها فود حتى الهشيمه
[/poem]

رد مع اقتباس