عرض مشاركة واحدة
  #1  
قديم 16-09-2010, 06:19 PM
Administrator
 
تاريخ التسجيل: Aug 2010
المشاركات: 114
معدل تقييم المستوى: 28
الديوان يستحق التميز
افتراضي ياونة ٍ ونيتها تسع ونات

ياونة ٍ ونيتها تسع ونات=مع تسع مع تسعين مع تسع الوفي
مع كثرهن باقصى الحشا مستكنات=عداد خلق الله كثير الوصوفي
ونة طريح ٍ طاح و الخيل عجلات=كِسْرَت حدى الساقين غادن سعوفي
على سيوف بالملاقى مهمات=سيفين ٍ اغلى ماغدى من سيوفي
وعلى محوص ٍ بالموارد قويات=اسقي بهن .. لو القبايل صفوفي
إحشم بحشمتهن ولوهن بعيدات=وانام لو ان الضواري تحوفي
خليتني ياعقاب مابه مراوات=عيالك صغار ٍ والدهر به جنوفي
من عقبكم مانبكي الحي لامات=ولاني على الدنيا كثير الحسوفي
ياطول ماجريت بالصدر ونات=على فراق معطرين السيوفي
ياعقاب عقبك شفت بالوقت ميلات=واوجست انا من ضيم بقعا حفوفي
مرحوم يانطاح وجه المغيرات=لي جن كراديس السبايا صفوفي
مرحوم يامشبع سباع مجيعات=وعز الله انه عقبكم زاد خوفي
الخيل تدرى بك نهار المدارات=ياللي على كل الملا فيك نوفي
الخيل تقفي من فعولك معيفات=تاطا شخانيب الرضم ماتشوفي

رد مع اقتباس