عرض مشاركة واحدة
  #1  
قديم 06-16-2018, 11:13 AM
Administrator
 
تاريخ التسجيل: Aug 2010
المشاركات: 92
معدل تقييم المستوى: 25
الديوان يستحق التميز
افتراضي عيد الفطر عوّد وأنا فاقدن ذيب

هذه القصيدة قالها الشاعر : يحيى بن شيبان عند زيارته لمنزل الشيخ : بادي بن سعد الزعبي صباح يوم عيد الفطر وتأثر بغيابه وقال هذه الأبيات.

عيد الفطر عوّد وأنا فاقدن ذيب
يالله عسى الجنة محله ومثواه

الذيب لو مدفون له هيبة الذيب
في مجلسه ما ينقطع دايم عواه

عواه باقي لا بقوا جملة الصيب
كسابة العليا ويســوون بسواه

تمر بعيوني سجــــاياه وتغيب
تغيب لا قلّوا من الناس شرواه

ياعيد جيت وحالنا صاير صعيب
حــــالي نهـــار العيد لله شكواه

يابادي اللي كاسبن جملة الطيب
وسيع بالٍ ما خــذل من تعزواه

الى حكى في هرجته زود تهذيب
والى همس ما تسمع الناس نجواه

يا راعي النوماس والعز والطيب
الطيب منك تاخـــذ النــاس فتواه

فتواه ما تعطى ولكن تواهيب
من ربك اللي كلنا تحت رجواه

الشاعر يحيى بن شيبان
1-10-1439هـ
16-6-2018



رد مع اقتباس