عرض مشاركة واحدة
  #1  
قديم 08-21-2015, 06:23 PM
Administrator
 
تاريخ التسجيل: Aug 2010
المشاركات: 92
معدل تقييم المستوى: 25
الديوان يستحق التميز
افتراضي أقبل يدرج خطوة الرجل برفوق

للشاعر لافي حمود الغيداني

أقبل يدرج خطوة الرجل برفوق .. والقاع لمصافح خطاه متشوق
مخلوق لكنه ما هوب اي مخلوق .. على بنات آدم وحوا تفوّق
مر وتعدى ما بدى منه منطوق .. الا انه بجيش المفاتن مطوّق
عليه لبس ٍ يجمع الوسع والضوق .. موسع ٍ بعضه وبعضه مضوّق
خلاني امشي وأضرب الدرب وأتوق .. لاني بتايق عقل لكن متوّق
تقول مرمي ٍ على الارض من فوق .. ولاّ من السم السقطري مذوّق
يغمى عليّ شوي وشوي افوق .. واقول لأستيقضت والبال روّق
لاصار لا معوّق ولا صايبه عوق .. وراه يمشي مثل مشي المعوّق
اللي على حاله خطر من هل السوق .. مفروض يمنع ما يطبّ يتسوق

رد مع اقتباس