يامـل قلـبٍ كـل ماهـف شفـه=يزوغ من بين الضلوع المهاديـف
اليا جاء غروب الشمس واقبل مهفه=مرتاح لين ابدي طويل المشاريـف
اليـا ذكـرت اللـي بغيتـه بعفـه=مضيت يومي بين ممشى وتوقيـف
ارقى على روس الهضاب المشفه=واخيل نشر مشلف القلب تشليـف
راعي اشقرٍ من فوق الأمتان ضفه=شليـل شقـرٍ هزتـه بالحاريـف
والعيـن نجـلا مايغطيـه كـفـه=والعنق عنق اللي تقود المخاشيـف
حبه لجا مـا بيـن قلبـي وجفـه=كنه على جوفي يشب المراضيـف
ليته يطاوعنـي ليـا قلـت طفـه=بيديك ياراعي الثمـان المراهيـف
خف العنا في وصل الأقدام خفـه=الوصل طـبٍ للقلـوب المواليـف
قـدام تاخـذ بنـا الأيــام لـفـه=مافي يدينا من قدرهـا تصاريـف
لاا دقـرت ماكـل حـيٍ يـدفـه=ماعدلوها أهل المهـار المزاغيـف
صحن بن قويعان المطيري
يامل قلب كل ماهف شفه
العرض الشجري