للشاعر : خلف بن هذال
ياغزال ٍ علّق الوسم في قلبي وراح .. يحسبني مثل ناس ٍ تضيع حقوقها
ما درى ان صاحي ٍ للهجاد والصباح .. قاعد ٍ فكري واعرف الديار وسوقها
وان بغيت ارميه رمية عداوة كان طاح .. بندقي ترمي المنايا وانا ما بوقها
مير اخاف من المناقيد ياظبي البراح .. الفشق وأم الفشق قافل ٍ صندوقها
حالتي حالة اسير يهدد بالسلاح .. بين عدوان ٍ يكض الزعل بحلوقها
ودي ارسله مع الطير خفاق الجناح .. عن عيون ٍ بالبكا ما تكف رموقعها
وان هجرني مترف الروح كلش له مباح .. المحبة للمحبين يحرق شوقها
كل ما ذعذع من الشرق ذعذاع الرياح .. اتخيل صورة ٍ غايب ٍ مخلوقها
ياغزال ٍ علّق الوسم في قلبي وراح
العرض العادي
