|
![قديم](aboshdg2008-4/statusicon/post_old.gif)
26-10-2023, 03:19 PM
|
Administrator
|
|
تاريخ التسجيل: Aug 2010
المشاركات: 120
معدل تقييم المستوى: 29
|
|
منيفه
الشاعر يحيى بن شيبان
يستضيق الكون لا حلّ الغروب=المدينة جوّها ما جاز لي
سِعد عيني لأنطلقنا من جنوب=مشملين صوب خط الفاضلي
قابضين الخط والراس معصوب=إنتسابق والحمام الزاجلي
إنتباشر بالهبايب والهبوب=في مخيّم عند جال الساحلي
في منيفة لا قرب وقت الغروب=تحيي عرقن بالفؤاد الخاملي
لو تشوف انسان في وجهه شحوب=لا تقول إشفيك ويش الحاصلي
بس حِثـّه ع المطامر و الوثوب=يمكن إنه بالسعادة جاهلي
في ذرى الخيام حِط عنزن حلوب=السعادة يوم ويوم زايلي
لا تدوّر واحدن عنك ينوب=خِصّ بالأمر الشديد الداخلي
النجاح أوقات يسبقه الرسوب=للمعالي كون رجلن صاملي
ما خلقنا الله من دون العيوب=بس وين اللي فهيمن عاقلي
أنزل الديرة وأنا تِقل مغصوب=وأتصدد عن طريق النازلي
وضعنا مزري ولا منه هروب=ونطلب الله السحاب الهاطلي
والله إني كل ما هب الهبوب=يشوش راسي لا سمعت الزاملي
يابويحيى وأنت خبرن بالجيوب=دنّ جيبك بالقريب العاجلي
في إكس آرن ما تشكى من عيوب=مشيّـكينه تم فحصن شاملي
دِقّ سِلفه وأنت حدرن من جنوب=ولا يردك غير خط الفاضلي
أدري إنك دون شفـّـك ما تتوب=تعشق البران عشقن كاملي
راعي السّكر مريضن ومحجوب=لو تشوفه قلت عودن ناحلي
في جيوبه خمسة أنواع الحبوب=ولا مشى كنه يجرّ الكاحلي
يشهد الله ما ذبح نص الشعوب=غير طبخن بالنظام الكابلي
كسترولن ضرنا عيّا يذوب=لو مشينا بالعلاج الكاملي
أدري إن الماي ما عمره يروب=وإحتمال العكس عند الغافلي
أطلب الله لا دنى وقت الوجوب=يبدّل الثوب القديم الساملي
ربعنا ياللي معانا بالقروب=شاركونا بالكلام الحاصلي
|
الكلمات الدلالية (Tags)
|
محجوب, معصوب, منيفه, البر, الخاملي, الداخلي, الحاصلي, الحبوب, الجيوب, الربيع, الرسوب, الزاملي, الزاجلي, الشعوب, العاجلي, الغافلي, العيوب, الغروب, الفاضلي, الهاطلي, الهبوب, النازل, الوثوب, الوجوب, القروب, الكابلي, الكاحلي, تتوب, بن_شيبان, حلوب, جازلي, ياهلي, يذوب, يحيى, يروب, جنوب, صاملي, زايلي, شحوب, عاقلي, عيوب, هروب, ناحلي, كاملي ![](aboshdg2008-4/misc/11x11progress.gif) |
تعليمات المشاركة
|
لا تستطيع إضافة قصائد جديدة
لا تستطيع الرد على القصائد
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 09:08 AM
|
|