لوحة التحكم التسجيل ديوان حلول البطالة
المشاركات الجديدة  البحث في الاقسام والمواضيع تسجيل الخروج
 
  #1  
قديم 18-03-2023, 12:25 AM
Administrator
 
تاريخ التسجيل: Aug 2010
المشاركات: 114
معدل تقييم المستوى: 28
الديوان يستحق التميز
افتراضي سنة الدنيا

للشاعر يحيى بن شيبان

سنة الدنيا ماهي لحدن تدوم .. الحظيظ اللي بهالدنيا حظا
السعادة تختفي وقت القدوم .. ما تسامرنا على شب الغضا
كل ما قلنا لها قومي تقوم .. وكل ما قامت يضيق بها الفضا
الهموم افواج في حالة هجوم .. تتعب القلب الشديد وتمرضا
اتجلد بالصبر يومن ويوم .. متعبن نفسي بكثر الموعظا
كل ما شفنا المنازل والرسوم .. زادت الحسرة على وقتن مضا
اشهد ان الله غيره ما يدوم .. واشهد ان العمر ولى وانقضا
في لذيذ النوم تخطفني حلوم .. وأتوقظ لو نومي ما انقضا
وش بلاها العين عيت لا تنوم .. لو يجيها النوم دايم ترفضا
اغبط اللي لا بغى نومه ينوم .. ولا هو في حاجة كثير الفضفضا
آه ياطير السعد ليتك تحوم .. في سمانا كود نحظا بالرضا
النصايح ما توجه للعموم .. لن كثير الناس عنها تعرضا
بر شيبانك الى حان اللزوم .. ومد جناح الذل دايم واخفضا
إنتمسك بالعوايد والسلوم .. لو بعض الوقت مافيها رضا
لو بها نفحات من حر السموم .. ولو يحرقنا بها بعض اللظا
ما بغيت الفتوى لو اني بصوم .. ما تفطرني قليل المضمضا
ليت قلبي يختزن بعض العزوم .. لثقلت فيني الثقايل ينهضا
دورة الأيام عجلات السهوم .. ما اسرع الايام شفها تركضا
من يلوم القلب جعله ما يقوم .. جعل قلبه واقفن ما ينبضا
يا الهي وانت ما غيرك رحوم .. تبسط الرزق الكثير وتقبضا
اجعل البسمة على وجهي تدوم .. واسألك يالله عفوك والرضا




قناة الشاعر على التيك توك

https://www.tiktok.com/@shiban84
رد مع اقتباس
إضافة رد

مواقع النشر (المفضلة)

الكلمات الدلالية (Tags)
مضمضا, مضا, اللزوم, اللظا, الموعظا, الرضا, السلوم, الغضا, الفضا, الفضفضا, القدوم, اخفضا, انقضا, تمرضا, تدوم, ترفضا, تركضا, بصوم, تعرضا, تقبضا, حظا, ينبضا, ينهضا, رحوم, رضا

أدوات القصيدة
انواع عرض القصيدة

تعليمات المشاركة
لا تستطيع إضافة قصائد جديدة
لا تستطيع الرد على القصائد
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:44 PM


Powered by vBulletin® Copyright ©2000 - 2024, Jelsoft Enterprises Ltd.
 
:: إهداء من ابوشدق ::