لوحة التحكم التسجيل ديوان حلول البطالة
المشاركات الجديدة  البحث في الاقسام والمواضيع تسجيل الخروج
 
  #1  
قديم 04-08-2010, 09:45 PM
Administrator
 
تاريخ التسجيل: Aug 2010
المشاركات: 16
معدل تقييم المستوى: 28
dewan يستحق التميز
افتراضي أيامنا والليالي كم نعاتبها

للشاعر : بديوي الوقداني



أيامنــا والليالــي كــم نعاتبهـا=شبنـا وشابت وعفنـا بعض الأحوالي
تاعد مواعيــد والجاهـل مكذبهـا=واللي عرف حدهـا من همهـا سالـي
إن أقبلـت يوم ما تصفـى مشاربهـا=تقفـي وتقبـل وما دامـت على حالي
في كــل يوم تورينـا عجايبهـا=واليوم الأول تراه احسـن من التالي
أيـام فـي غلبهـا وايـام نغلبهـا=وايام فيهـا ســوا والدهـر ميالـي
جربت الأيام مثلـي من يجربهـا=تجريب عاقل وذاق المــر والحالـي
نضحك مع الناس والدنيا نلاعبـها=نمشي مع الفي طوع حيـث ما مالي
كم من علومٍ وكــم آدب نكسبهــا=والشعر مازون مثقــالٍ بمثقالي
اعرف حروف الهجاء بالرمز واكتبها=عاقل ومجنون حاوى كـل الأشكالي
لكن حظــي ردي والروح متعبهـا=ما فادني حسن تاديبي مـع أمثالـي
إن جيت ابي حاجـةٍ عزت مطالبها=العفو ما واحدٍ فــي الناس يا والي
قومٍ الـى جيتهـم رفـت شواربهـا=بالضحك واقلوبها فيها الردا كالـي
وقومٍ الى جيتها صكـت حواجبهـا=وابدات لي البغض في مقفاي واقبالي
ما كنــي إلا حــال مغضبهــا=والكل في عشرتـه ماكر ودجالي
يا حيف تخفي أموراً كنت حاسبهـا=واللي على بالهـم كلـه على بالي
الجار جافـي وكـم قومٍ محاربهـا=والأهل وأصحابنا والدون والعالـي
والروح ويش عذرها في ترك واجبها=راح الحسب والنسب في جمع الأموالي
نفسي تبى العز والحاجات تغصبهـا=ترمي بها بيـن أجاويـد وانذالي
المال يحي رجالاً لا حياة ابها=كالسيل يحي الهشيم الدمدم البالي
عفت المنازل وروحـي يوم اجنبها=منها غنيمـه وعنها البعـد أولا لي
لا خير في ديرةٍ يشقـى العزيز ابها=يمشي مع الناس في هـمٍ وإذلالي
دارٍ بها الخــوف دومٍ ما يغايبهـا=والجوع فيها ومعها بعض الاحوالي
جوعى سراحينها شبعـى ثعالبهـا=الكلـب والهـر يقـدم كل ريبالـي
عز الفتى راس ماله من مكاسبهـا=يا مرتضي الهون لا عزٍّ ولا مالي
دللت بالروح لين ارخصت جانبهـا=وانا عتيبي عريب الجـد والخالي
قومٍ تدوس الافاعـي مع عقاربهـا=ولها عزايم تهــد الشامـخ العالي
خل المنازل وقل للبيــن يندبهــا=يبكي عليها بدمـع العيـن هطالـي
لا تعمـر الدار والقالات تخربهــا=بيع الردي بالخساره واشتر الغالي
ما ضاقت الأرض وانسدت مذاهبها=فيها السعــه والمراجــل والتفتالِ
دارٍ بدار وجيــرانٍ نقاربهــا=وارضٍ بأرض وأطلالٍ بأطلالي
والناس اجانيب لين إنك تصاحبهـا=تكون منهــم كما قالوا بالأمثالي
الارض لله نمشــي فـي مناكبهـا=والله قدر لنـا أرزاق وآجالي
حث المطايـا وشرِّقهـا وغرِّبهــا=واقطع بها كل فـجٍّ دارسٍ خالي
واطعن انحور الفيافـي في ترايبهـا=وابعد عن الهم تمسي خالي البالي
من كل عمليـةٍ تقطــع براكبهـا=فدافد البيــد درهـامٍ وزرفالي
تبعدك عـن دار قـومٍ ودار تقربها=واختر لنفسـك للمنزال منزالــي
لو مـتّ فـي ديرةٍ قفراً جوانبهــا=فيها لوطـى السباع الغبس مدهالي
اخير مـن ديرةٍ يجفـاك صاحبهـا=كم ذا الجفا والتجافـي والتعلالـي
دوس المخاطر ولا تخشى عواقبهـا=الموت واحد وبعد العـز يجلالي
ان المنايــا إذا مـدت مخالبهــا=تدركك لو كنت في جو السما العالي
ما قرت الاسد في عالـي مراقبهـا=تسعى على الرزق ما حنت للاشبالي
والشمس في برجها والغيـم يحجبها=تقفي وتقبـل لها في العرش مجدالِ
رب السماوات يا محصي كواكبهـا=يا مجري السفن في لجات الأهوالي
ضاقت بنا الأرض واشتبت شبايبهـا=والغيث محبوس يا معبـود يا والي
يا الله من مزنــةٍ هبـت هبايبهـا=رعادها بات له في البحر زلزالي
ريح العوالي من المنشـا تجاذبهـا=جذب الدلى من جباء مطوية الجالي
ديمومةٍ سبلـت وأرخت ذوايبهــا=وانهل منها غزير الوبـل همالي
تسقي دياراً شديد الوقـت حاربهـا=ما عاد فيها لبعض الناس منزالي
يا جاهل اسمـع تماثيـلاً مرتبهـا=فيها معاني جميـع القيل والقالي
مثـل المحابيـب زادت في قوالبها=في صرفها زايده عن قرش واريالي
يا ربي توبه وروحي لا تعذبهــا=يوم القيامه إذا ما ضاقت اعمالي
وازكى صلاةٍ على المختار نوهبها=شفيعنا يوم حشرٍ فيه الأهوالـي

رد مع اقتباس
إضافة رد

مواقع النشر (المفضلة)

الكلمات الدلالية (Tags)
أيامنا والليالي كم نعاتبها

أدوات القصيدة
انواع عرض القصيدة

تعليمات المشاركة
لا تستطيع إضافة قصائد جديدة
لا تستطيع الرد على القصائد
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:19 PM


Powered by vBulletin® Copyright ©2000 - 2024, Jelsoft Enterprises Ltd.
 
:: إهداء من ابوشدق ::