مفرق الساجي

[الديوان]

 

عيني على مفرق الساجي=ابحث عن خيام مظنوني

دمعي من العين ثجاجي=ابكي وانا مختلف لوني

فيه الحسن دون مكياجي=قلبي معه صار مرهوني

في قبلته نور وهاجي=ولا اقفى خطاويه بالهوني

الشوق ما منه الناجي=قبلي غدا قيس مجنوني

بحر الهوى فيه الامواجي=كنه بحر قوم فرعوني

ما عاد انا اروح و لا آجي=حالي من الصد مشحوني

لا بارك الله في الساجي=جيته وانا باح مكنوني

ابطى بي الحظ منعاجي=امشي وانا اكذب عيوني

ارقى على الضلع محتاجي=ابحث على غير مضموني

مير البلا ضعف الابراجي=ما اظنها في تلفوني

ياليتني من الهوى ناجي=ما شفتني اليوم محزوني

إعلم ترى سبة إحراجي=بعض المخاليق يدروني

يا خوي انا خابر علاجي=نبغى شهود ٍ ومأذوني

يالله على باب الافراجي=بأمرك على الكاف والنوني

الشاعر : يحيى بن شيبان