نار المسامر

[الديوان]

 

اقبسو نار المسامر بالجروم=شبها للضيف لو حالك عدم

حاتم الطائي كريم بالعلوم=بالفعــــــايل ذاكرينه من قِـــدم

وانت خلك حاتمي لو ربع يوم=مجد ابوك اللي بني لا ينهدم

فوق وجه الارض ما شي يدوم=الا وجه اللي خلقنا من عدم

شيخة الانسان ما هي بالختوم=بعضهم لا شفت حاله تنصدم

الالوف يصرها صرّ محروم=لا خدمه المال ولا هو اللي خدم

لا رِحم من هو تصدد باللزوم=ليت في بقعا واختها ينصدم

ما على الدنيا خِلي ٍ من هموم=عيش في دنياك ولا تِلحق نِدم

ما ذِكر مخلوق من ذنب معصوم=قد خلقنا الله من لحم ٍ ودم

ما يموت بساعته غير الكتوم=في ضلوعه كل شي يحتدم

فِل حجاجك جعلها عندك تدوم=السعـــادة جعلهــا ما تنهدم

والله اني خابرن مثلك يشوم=في دروب الفحش ما ساق القدم

لا طرى لك حاجة ولا لزوم=نخدمك ونسخر لك كبار الخدم

في لزومك كلنا عنك نقوم=نــردم الدعــــوى اذا تبغى ردم



الشاعر يحيى بن شيبان