يالله بنو من الحمه الى الحمه

[الديوان]

 

للشاعر الكبير سعد بن جدلان الأكلبي

يالله بنو ٍ من الحمه الـى الحمـه=ترجع عسوس السحابه ماتعدوهـا

البل شعاها نفيضه وسرحت يمـه=واهل الجهازات والشاصات خموها

تخبطت في غديره وشرعت جمـه=وداجت وطابت خواطرها وردوها

على رهاد ٍ يجي في نبتهـا زمـه=تحبها البـل وترتعها وحبوهـا

ترعاه وضحى ٍ شعايفها كما العمه=مدسمة شرّب الضيفـان لاجوهـا

بعض القراشيط ماتستاهل الضمـه=ما غير عبولهـا الوايـت وعشوهـا

قطعة جفار ٍ على البرسيم ملتمـه=وليا انتهت ربطة البرسيم هجوهـا

يمسي ويصبح لبنها ماضرب فمـه=مخيبة كد من وده ومـن هوهـا